وظيفة عن بعد هتاخد فيها من 25 لـ 30 دولار في الساعة
بجد لما شفت الوظيفة دي قلت لازم اعرف الناس بيها.
الوظيفة دي مش للكل. بس اللي تنطبق عليه الشروط ده حظه كبير لو قدم.
تفاصيل الوظيفة
الوظيفة دي لخبير اللغة العربية السعودية.
دوام جزئي – بارت تايم ، شغل من البيت بالكامل، والمرتب من 25 لـ 30 دولار في الساعة.
وساعات الشغل مرنة من 10 لـ 40 ساعة في الاسبوع يعني انت اللي بتحدد.
ايه المطلوب منك؟!
تسجل جمل وعبارات بالعربي السعودي الدارج بصوت واضح، سواء بموبايلك او اي جهاز تسجيل عندك.
تعمل ترانسكريبت دقيق لكل اللي سجلته، يعني تكتب الكلام اللي اتقال بالظبط.
المهم إن الكلام يكون طبيعي وحقيقي زي ما الناس بتتكلم في حياتها اليومية فعلاً مش كلام رسمي.
تتواصل مع الفريق اونلاين، تاخد التعليمات، تبعت الشغل، وتسأل لو في اي حاجة مش واضحة.
تلتزم بالمواعيد وتخلص الشغل في وقته.
ولو عندك اكتر من موبايل او ميكروفون ده ميزة اضافية بيحبوها.
الشروط
تكون بتعرف تتكلم و تفهم اللهجة السعودية
لازم تترجم من العربي للانجليزي كتابة وكلاماً.
تعرف تكتب الكلام المتسجل
منتبه للتفاصيل وعندك حس لغوي كويس.
مرتاح و تعرف تشتغل من البيت
تبقى عارف ازاي تسجل صوتك ويكون واضح
ازاي بتقدم؟
العملية كلها مش هتاخد اكتر من 20 دقيقة.
ترفع الـ CV بتاعك، بعدين انترفيو قصير 15 دقيقة بس، وبعدين تملى استمارة. خلاص.
ازاي تعدي الأنترفيو في وظيفة خبير عربي سعودي من البيت؟
هقولك حاجة ممكن تزعلك شوية.
معظم الناس بتفشل في انترفيو الشغل الريموت مش لانها مش كفء. بتفشل لانها بتتعامل مع الانترفيو ده زي اي انترفيو تاني. وده غلط.
الشغل من البيت له قواعد تانية خالص. والشركات اللي بتشغل ريموت بتدور على حاجات مختلفة عن الشركات العادية. لو مش فاهم الفرق ده هتفضل تتقدم وتتقدم من غير ما تعرف ليه مش بتتقبل.
الاسئلة الصعبة!!
في سؤال بيجي كتير وناس كتير مش بتحضرتله، “إيه اكبر تحدي في الشغل من البيت عندك؟”
لو قلت “مفيش تحدي انا بحب الشغل من البيت”، ده مش هيصدقوك.
قول حاجة حقيقية وقول ازاي اتعاملت معاها. مثلا “في الاول كنت بيجي عليا وقت بحس فيه بالتشتت، دلوقتي بعمل كذا وبفرق”. الصدق ده بيكسب ثقة اكبر بكتير من إنك تبان مثالي.
بعد الانترفيو؟!
ركز في شوية النقط دي :
ابعت ايميل لما تخلص الأنترفيو بعدها يوم او يومين ويكون ايميل قصير . جملتين بس. “شكراً على وقتكم، اتمنى اقدر اكون جزء من فريقكم.” خلاص.
في الاخر. مش لازم تتنقل، مش لازم تدفع مواصلات، وممكن تشتغل مع شركات من اي حتة في العالم.
بس محتاج تتعامل مع انترفيوه بجدية اكبر مش اقل. لان المنافسة فيه من ناس من بلاد كتير مش بس من حواليك.
الفرصة موجودة. الموضوع بس انك تبين إنك الشخص الصح.